تبي حرمه؟
وأنا مثلك أبي رجّال
يشد حبال ظهري إليّا البَخَتْ خانه
تبي حرمه؟
شعرها ليل وعينٍ كنّها الفنجال
وقّدٍ أهْيفٍٍ ميّال
وأنا مثلك أبي رجّال!!
قليل أقوال وإذا ينطق يقطّر حِكْمه لسانه
أبيه أفعال..وأفعاله تتم بليل كتمانه
تبي حرمه؟
وأنا مثلك أبي رجّال
ماهوب تمثال..مكون من شنب وعقال
وثوب يسحبه خلفه..عجز في كيّه الغسال
أبي رجّال
له مبدأ،له أفكار تلخبطني
وضلعي المعوج إليّا مال..يعرف شلون يضبطني
أبي رجّال
لا شفته... تذكرت العظيم اللّه
وذكرت النار والجنة
أبي لي شاعرٍ عذري..له احساس يغرقني
وهمٍّ به يأرقني..شعور الشخص في عينه
أبي رجّال!!
ماهو شاطئ ولاهو رمال
ولا بزنس ولاهو رِيال..
ولكنّه
هموم أمة
وكيف نفوز بالقمة؟
وكيف نربّي الأجيال
نخلي بنتنا أنثى
ونخلق في الولد رجّال
تبي حرمه؟
وأنا مثلك أبي رجّال
يشد حبال ظهري إليّا البَخَتْ خانه
كثيرة بدنيتي الأزْوال
قليل بينهم رجال
جميييييييييييييل جدا
ReplyDeleteمن الشاعر؟
يمكن بالسنين اللي فاتت كان الرجل يختار ما الصفات اللي يبيها بمرته وليس من حق المرأة ان تختار كل ما تريده بالرجل
ولكن مع الايام ومر السنين الحين المره من حقها تختار وتتشرط بكل صغيره وكبيرة بالريال
وللأسف وايد ناس لم يحسنوا وضع شروطهم او صفات زوج المستقبل او زوجة المستقبل
تلاقي أكثر اشتراطاتهم قريبة الى التفاهه وينسون الشروط الاساسية التي تعد أساسات تبنى عليها الاسرة
عموما قولي حق بنات الاجاويد لا يتشرطون وايد علشان ما تزيد نسبة العنوسه
;p
سعد